Useful links

1.
https://dogdogoralhealth.wordpress.com/2016/05/03/greenies%E6%BD%94%E7%89%99%E9%AA%A8%E8%A9%B1%E4%BD%A0%E7%9F%A5%EF%BC%9A%E7%8B%97%E4%B8%BB%E5%9A%B4%E9%81%B8%E6%BD%94%E7%89%99%E9%AA%A8-%E9%A6%96%E9%81%B8%E5%AE%89%E5%85%A8%E6%9C%89%E9%A9%97%E8%AD%89/


2.https://dogdogoralhealth.wordpress.com/2016/05/12/greenies%E6%BD%94%E7%89%99%E9%AA%A8%E8%A9%B1%E4%BD%A0%E7%9F%A5%EF%BC%9A%E7%A0%B4%E8%A7%A3%E7%8B%97%E7%8B%97%E8%AD%B7%E9%BD%92%E8%AC%AC%E8%AA%A4-2/

3.https://dogdogoralhealth.wordpress.com/tag/%E6%BD%94%E9%BD%92%E9%AA%A8/

4.http://www.ladies.gig.hk/2016/05/greenies%E6%BD%94%E7%89%99%E9%AA%A8%E8%A9%B1%E4%BD%A0%E7%9F%A5%EF%BC%9A-%E7%8B%97%E7%8B%97%E6%8F%9B%E7%89%99%E8%A6%81%E6%B3%A8%E6%84%8F%E4%BB%80%E9%BA%BC/

5.
http://www.ladies.gig.hk/2016/05/greenies%E6%BD%94%E7%89%99%E9%AA%A8%E8%A9%B1%E4%BD%A0%E7%9F%A5%EF%BC%9A%E7%8B%97%E4%B8%BB%E5%9A%B4%E9%81%B8%E6%BD%94%E7%89%99%E9%AA%A8-%E9%A6%96%E9%81%B8%E5%AE%89%E5%85%A8%E6%9C%89%E9%A9%97%E8%AD%89/

6.
http://www.ladies.gig.hk/2016/05/greenies%E6%BD%94%E7%89%99%E9%AA%A8%E8%A9%B1%E4%BD%A0%E7%9F%A5%EF%BC%9A-%E7%8B%97%E7%8B%97%E8%AD%B7%E9%BD%92%E9%A3%B2%E9%A3%9F%E7%AF%87/

7.
http://www.ladies.gig.hk/2015/11/%E6%AD%A3%E7%A2%BA%E9%A4%B5%E9%A3%9F%E6%BD%94%E9%BD%92%E9%AA%A8/

8.

https://dogdogoralhealth.wordpress.com/2016/05/03/greenies%E6%BD%94%E7%89%99%E9%AA%A8%E8%A9%B1%E4%BD%A0%E7%9F%A5%EF%BC%9A%E7%8B%97%E4%B8%BB%E5%9A%B4%E9%81%B8%E6%BD%94%E7%89%99%E9%AA%A8-%E9%A6%96%E9%81%B8%E5%AE%89%E5%85%A8%E6%9C%89%E9%A9%97%E8%AD%89/

9.

https://dogdogoralhealth.wordpress.com/2016/05/12/greenies%E6%BD%94%E7%89%99%E9%AA%A8%E8%A9%B1%E4%BD%A0%E7%9F%A5%EF%BC%9A%E7%A0%B4%E8%A7%A3%E7%8B%97%E7%8B%97%E8%AD%B7%E9%BD%92%E8%AC%AC%E8%AA%A4-2/

10.

https://dogdogoralhealth.wordpress.com/tag/%E6%BD%94%E9%BD%92%E9%AA%A8/

11.

http://www.discuss.com.hk/viewthread.php?tid=25757653

狗狗旅行清潔要做足

好多主人都會帶埋狗狗去旅行，但去旅行唔等於唔需要清潔！無論短程定長途旅行，主人都要做足狗狗嘅清潔呀。

牙齒方面

專家建議狗狗每隔1、2日就刷一次牙。我地明白如果去短程旅行，主人未必想幫狗狗日日刷牙，但大家千祈唔好忽略對狗狗牙齒嘅護理！如果唔想去旅行都要捉實狗狗刷牙咁大工程，主人可以帶Greenies潔齒骨，俾狗狗一日食一支，去除牙垢之餘，全面護齒！

肉墊方面

帶狗狗去旅行，唔少得會周圍行。出完街街，主人記住幫狗狗清潔好肉墊，因為街道上有好多細菌架！如果肉墊痴住污糟野又唔清潔乾淨，狗狗可能會趾間紅腫、發炎。主人千祈唔好忽略呀～

耳仔方面

狗狗同我地唔同，佢地嘅手仔腳仔比較短，唔可以好似我地咁自己清潔耳仔。去旅行果陣，主人可以帶備狗狗專用嘅洗耳液，夜晚幫狗狗按摩、清潔耳仔。主人要記住，如果狗狗嘅耳仔唔乾淨，有可能會患耳炎架～

做齊以上嘅清潔，咁就包狗狗去旅行去得乾淨又開心啦：）

食Greenies 潔牙骨嘅最佳時間

之前同大家講過狗狗可以每日食一支潔齒骨，有主人就問我地「應該咩時侯俾狗狗食先係最好嘅潔齒時間呀？」其實冇定架！唔同嘅主人有唔同嘅做法，等我問下狗主們，睇下佢地平時點做先～

訓前食

Pada係一隻7歲嘅狗狗，咁多年黎每一次佢去獸醫度做檢查，醫生都話佢牙齒好健康。原來Pada由2歲開始已經有每日訓前食一支  Greenies  潔牙骨嘅習慣。狗主Sin Yee就話「Pada已經食左5年架喇，每晚我刷牙準備訓嘅時侯，Pada就會食一支  Greenies     潔牙骨，齊齊護齒！清潔完牙齒我地就可以安心訓覺啦！」

飯前食

Nico:「我隻狗狗小黑成日都唔肯食飯架，但佢又好鍾意食Greenies 潔牙骨 架喎，所以每次食飯前我都會俾佢食一條先。」原來除左潔齒，Greenies 潔牙骨 仲可以用黎做鼓勵、獎勵狗狗嘅小食！狗主們可以一試喎：）

隨時食

隨時餵狗狗食Greenies 潔牙骨 係大多數主人嘅做法。狗主Edmond同我地分享「Greenies 潔牙骨 香噴噴，係Ball Ball（狗狗）最鍾意嘅小食。我地當Greenies潔牙骨係snacks咁餵狗狗架！每次只要我地打開包裝，Ball Ball隔幾度門都聞到，會流哂口水咁跑過黎等食架～」

咁方便，主人記住每日都餵狗狗食一支Greenies潔齒骨，幫狗狗護齒，對抗牙周病喇：）

狗狗扭計，有乜計？

狗狗同小朋友都會扭計，而佢地扭計嘅方法都有相似之處，就例如偏食、唔俾主人出門口等等。咁到底狗狗扭計嘅時侯，主人可以點做呢？

唔肯出房同人玩

主人帶朋友番屋企玩，但狗狗匿埋唔肯同人玩？其實狗狗都會怕醜架～如果狗狗好怕陌生人，主人可以先同狗狗warm up，陪狗狗玩佢最鍾意玩嘅遊戲又或者玩具，再逐步叫朋友加入，咁狗狗就會慢慢接受、習慣到同人玩架喇：）要記住：對狗狗黎講，遊戲同玩具永遠都可以觸動到佢地嘅情緒架！

玩自閉

每次主人番到屋企，狗狗都會撲出黎迎接主人。但呢幾日，狗狗對你唔瞅唔睬？狗狗可能唔開心喇！呢個時侯就到主人做番主動，多啲陪狗狗哄番狗狗喇～！狗狗係好鍾意同人相處、接觸嘅寵物。狗狗唔開心嘅時侯，主人可以靜靜地陪住狗狗，摸下佢嘅耳仔、頸，又或者肚腩。 透過身體接觸同陪伴，狗狗同主人會變得親密，狗狗亦會開心番！

唔俾主人出門口

主人們，有冇試過發現只要你地番到屋企，狗狗就會無時無刻跟住你地，你去邊，佢就去邊呢？係架，狗狗真係好愛你地，一秒都唔想同你地分開。 狗主Edmond同我地分享過佢嘅狗狗Ball Ball甚至連工都唔會俾佢番。每當遇到呢個情況，Edmond就會用Ball Ball最愛嘅 Greenies  潔齒骨引開Ball Ball。直到而家，呢個方法每次都work～狗狗果然係為食嘅動物呀！^_^

狗狗壞習慣逐個捉

狗狗同小朋友一樣會有壞習慣，需要我地幫手教番好～有啲時，主人見到狗狗某啲小小嘅壞習慣都會選擇忍，但原來有時唔忍得架！有啲壞習慣一定要改！

壞習慣：咬人！

好多狗狗啱啱出世嘅時侯都好鍾意咬人。對佢地黎講，咬人係一種同人玩嘅方法。主人們通常都覺得佢地仲細細隻，咬人都唔會痛，所以都唔會特別教狗狗唔可以咁做。但原來咁樣反而會間接幫狗狗培養左咬人嘅習慣，到佢地大個左，呢種習慣可能就會做成危險架喇>_< 點改好？其實主人應該喺狗狗細細個果陣嚴厲管教狗狗咬人嘅行為，狗狗咬人果陣，主人可以個樣惡啲咁鬧佢，甚至輕輕拍打狗狗個鼻，俾狗狗知道咬人一啲都唔好玩！

壞習慣：鍾意亂跑

住喺香港嘅狗狗成日都長時間留喺室內，所以主人帶親狗狗出街玩，狗狗都會展現異常興奮，不斷狂跑嘅一面！但原來狗狗出到街亂咁跑好危險架，唔單止有可能會走失，香港咁多馬路，狗狗分分鐘會遇上車禍架！如果主人想幫狗狗改善亂跑嘅壞習慣，主人可以去寵物店買一條有伸縮性嘅狗鍊。狗狗聽話果陣就將狗鍊放鬆，如果狗狗亂咁跑走，狗鍊嘅伸縮鍊就會將狗狗勒住。狗狗覺得唔舒服，自然會聽聽話話，跟番主人嘅步調啦：）

壞習慣：唔肯食飯

狗狗好似小朋友，都會有鬧情緒、唔肯食飯嘅情況出現。呢個時侯主人可以點做？狗主Kai Yan就同我地分享「小黑(狗狗)唔肯食飯果陣我會將Greenies當係獎品咁鼓勵佢食野。因為狗狗好鍾意食，所以佢次次見親Greenies都會即刻變到好聽話架～每一次都work架呢條橋！」咁勁咁work我地當然要share俾各位主人啦～！如果你隻狗狗唔肯食飯，不妨都可以試下呢個方法喎：）

正確餵食潔齒骨

有好多狗主都會畀狗狗食潔齒骨，做口腔清潔。狗主Patty嘅狗狗(小黑)都係用家之一，由一歲幾開始食Greenies潔齒骨，到而家已經食左2年喇！小黑好鍾意Greenies潔齒骨嘅味道，每次見到都眼定定，仲流曬口水食得好快、好滋味^_^

不過，潔齒骨應該要慢慢食架，狗狗慢慢咬，令潔齒骨同牙齒之間有足夠接觸，至可以做到清潔嘅效果。究竟點至可以令狗狗慢慢食，又發揮到潔齒骨最大嘅功效？

狗主唔需要每次都將成支潔齒骨放入狗狗個口，因為餵食嘅狗狗會好快吞曬落肚。特別係Greenies咁好味嘅潔齒骨，狗狗唔使一分鐘就食曬成支！食潔齒骨就好似刷牙一樣，緊係要畀小小時間先至夠乾淨啦！

佢外型好似牙刷，狗主可以用手拎住刷柄(潔齒骨尾端)餵狗狗食(狗狗好嘆啊^_^)，狗主就可以減慢狗狗進食速度，增加潔齒時間。狗主又可以調整潔齒骨方向，令狗狗牙齒同潔齒骨之間嘅接觸面大啲，潔齒效果自然好啲啦！

係狗狗食緊潔齒骨嘅同時，狗主可以摸下狗狗個頭，多啲同狗狗互動，可以增進彼此嘅感情架！

資深狗主嚴選Greenies 潔牙骨

既然俾狗狗食潔齒骨好處咁多，主人當然不妨一試啦～不過最緊要識揀！到底咩先叫好嘅潔齒骨呢？主人應該點樣揀呀？通常狗主幫狗狗揀潔齒骨有3大原則嘅，一齊黎睇下狗主Kathy同Nico嘅分享啦～

揀專業品牌最重要

Kathy:「當初我都係貪Greenies 潔牙骨係專業牌子先買，大牌子信譽好啲、安全呀嘛～」

狗狗鍾意食

Kathy:「仲有呀，潔齒骨對狗狗嘅吸引力都好重要架～我果兩隻狗狗一見到佢就會好興奮，亦即刻會變到好聽話。講真呀，作為主人一定會睇得出自己狗狗鍾意啲咩唔鍾意啲咩，我睇得出我嘅狗狗好鍾意食Greenies 潔牙骨。令佢聽聽話話，又可以潔齒，真係一舉兩得啦！」

獸醫推介

Nico:「其實當初用Greenies 潔牙骨係因為獸醫推介，而我隻狗狗Bebe只係短短試食左一個月，佢嘅口臭已經冇左好多，仲連牙斑、牙石都減少埋添。都真係幾work，誠意推介！」

Greenies 潔牙骨好處全面睇

每個狗主都好疼錫自己嘅狗狗，所以都會好緊張佢地放入口嘅食物。近來就有狗主問「潔齒骨俾狗狗食會唔會唔係咁好架？」好～就等我訪問一下俾狗狗食左5年潔齒骨嘅狗主倩怡姐姐，睇下俾狗狗食Greenies  潔牙骨有咩好，好到佢keep住餵足5年啦：）

1. Greenies 潔牙骨 高溶解度易消化
狗主：「呢一方面我對Greenies 潔牙骨好有信心架～因為我隻狗狗Pada試過食其他牌子嘅潔齒骨，結果係咁嘔，係轉左食Greenies 潔牙骨就冇呢個問題！」Greenies 潔牙骨嘅潔齒骨就加入左天然嘅蔬果成份，例如蕃茄、蘋果等等，仲有高溶解度嘅蛋白質同維他命。有左呢啲成份，潔齒骨唔單止容易消化，狗狗食左更加可以提升佢地腸胃消化嘅能力添！

2. Greenies 潔牙骨 獨特設計 配合牙形

Greenies 潔齒骨睇落似牙刷，頂部嘅凹槽設計可以加強潔齒骨同狗狗嘅牙齒接觸面，有助全面清潔牙齒。而凹槽亦提供左中斷點，幫狗狗清潔到牙齒凹凸表面之餘，同時令狗狗食得更安全，亦更易俾狗狗消化～

3. Greenies 潔牙骨 VOHC認證功效顯著

國際獸醫牙齒保健委員會（VOHC）由世界各地嘅獸醫同牙齒專家創辦，而Greenies 潔牙骨係一隻榮獲VOHC 認證，只要連續28日使用就可以減少60％牙石同32％牙菌斑嘅潔齒骨。倩怡姐姐就好自豪咁同我地分享：「Pada已經食左5年Greenies 潔牙骨 架喇，每一次帶佢去檢查牙齒，醫生都對佢嘅牙仔有讚冇彈， 亦從未發現過任何牙患！」

狗主教路：Greenies 潔牙骨幫助狗狗除口臭

好多養狗嘅朋友一直以為狗狗口臭係正常現象。其實呢個諗法係唔啱架！事實係狗口臭嘅成因好多。除左可能因為主人幫狗狗做唔夠口腔清潔之外，亦有可能係因為狗狗腸胃唔好、消化不良，又或者狗狗患有牙周疾病。唔知點算？睇下狗主Nico用咩方法幫狗狗Bebe改善口臭啦！

善用潔齒骨
「我定期都會比一支Greenies 潔牙骨Bebe食嘅，食左一段時間覺得Bebe口臭少左，牙石都少左。所以咪比佢Keep住食囉！」

用乾糧代替濕糧
相比起乾糧，濕糧比較容易痴住狗狗嘅牙齒，令狗狗牙齒表面積聚食物殘渣，最後搞到個口成陣味。如果狗狗真係好鍾意食濕糧，主人不妨喺佢地食完之後再俾啲有助消除牙垢嘅乾糧狗狗食，減低牙菌滋生從而減低狗狗口臭嘅機會～

定期接受檢查

主人每年都應該帶狗狗去獸醫度接受專業嘅口腔同牙齒檢查。喺檢查嘅時侯，醫生會幫狗狗洗牙，清理佢地牙齒表面嘅牙菌斑同牙結石。冇哂啲污糟野，狗狗嘅牙仔自然健康乾淨冇異味啦～

幫狗狗建立每天護齒習慣

近排睇左一個調查，發現原來有主人平日只幫狗狗刷牙護齒。試諗下，我地只係刷牙，永遠唔睇牙醫得唔得呀？梗係唔得啦～咁樣係唔足以幫狗狗預防口腔、牙齒疾病架！其實要全面幫狗狗潔齒護齒好簡單，只需要follow三大護齒法則～

第一   向上刷向下刷

其實主人都唔係完全錯哂架，幫狗狗刷牙都非常重要，因為刷牙可以幫忙減低狗狗患牙周疾病嘅機會。有啲主人好自豪咁同我地講「我每星期都會抽空幫狗狗刷一次牙！」唉，其實咁又點夠呢？我地人類每星期只刷一次牙，你又接唔接受到呀？諗起都覺得污糟！其實，主人需要每隔一兩日就幫狗狗刷一次牙，咁樣先可以確保到狗狗嘅牙齒同口腔乾淨衛生架！

第二   定期接受牙科檢查

同我地一樣，狗狗都需要定期接受健康檢查架～主人應該每年都帶狗狗去搵獸醫，俾狗狗接受專業嘅牙齒檢查。通常檢查完牙齒之後，獸醫都會幫狗狗洗牙，確保狗狗口腔牙齒乾淨衛生。

第三   善用Greenies 潔齒骨好幫手

幫狗狗日日刷牙可能性不大，但唔等於我地可以忽略狗狗日常嘅牙齒護理架！除左每隔一兩日幫狗狗刷一次牙同定期帶狗狗去檢查牙齒之外，主人亦可以每日都俾狗狗食一支Greenies 潔牙骨，建立每日護齒嘅習慣。

用家分享：

狗主Kathy：「我嘅狗狗Choco同Kody由1歲起，我每晚都比佢地食一支Greenies 潔牙骨。每年睇牙醫，醫生都大讚佢地牙齒好健康，令我好放心。而家每晚臨訓前都要獎勵一支比佢地，佢地開心時我又放心。

Add caption

大愛Greenies 潔牙骨三大原因

近日Greenies  潔牙骨喺網上同用家做問卷，調查發現100％用家都大愛Greenies產品！！！小編於是幫讀者問下呢班狗主，睇下佢地因咩解究咁愛Greenies  潔牙骨～原來，佢地咁愛Greenies  潔牙骨嘅原因可以歸為以下三大個：）

                         
第一    愛 Greenies 潔牙骨功效顯著！

狗主Nico只係俾狗狗Bebe短短試食左一個月Greenies  潔牙骨，Bebe嘅牙石已經冇左好多，仲連牙斑都減少埋～唔怪之得主人們咁鍾意俾狗狗食佢嘅潔齒骨啦：D

第二     愛 Greenies 潔牙骨好味道！

問番狗主，原來佢地嘅狗狗都好愛Greenies  潔牙骨架！狗狗Ball Ball會每日都捕喺主人身邊，靜候Greenies 潔齒骨嘅“降臨”，而狗狗Choco同Kody一見到Greenies 潔牙骨 就會好興奮，亦即刻會變到好聽話。唔少主人都同我地分享話Greenies 潔牙骨 係狗狗最愛嘅潔齒骨～狗狗一見到就會好開心好興奮！咁多狗狗都俾佢吸引到，係威嘅！連小編都想試下係咪真係咁好味呀！

第三    愛Greenies  潔牙骨 大牌子有信譽保證～

好多主人表示當初揀Greenies嘅原因都係因為佢係大牌子，有信譽保證。其實Greenies邊止咁簡單呀！佢除左係國際級嘅寵物護齒產品之外，仲係榮獲VOHC「國際獸醫牙齒保健委員會」認證嘅專業潔齒產品，佢嘅潔齒功效係被世界各地嘅獸醫同牙齒專家好嚴謹咁驗證過～

狗婆婆、狗伯伯特別護理手冊

一般黎講，狗狗七歲之後就會開始進入老年期。隨住狗狗年齡增加，狗狗嘅身體機能亦會隨之出現退化嘅徵狀。呢個時侯，主人們就需要提供更貼心嘅照顧俾狗狗～

飲食方面

踏入老年期，狗狗身體機能開始轉差，狗狗唔會再好似以前咁活躍。運動量嘅改變會令狗狗腸道嘅消化同吸收能力出現變化。主人要留意，唔好餵太多硬性食物俾年老嘅狗狗食，仲要適當咁幫狗狗補充鈣質、鐵質同維他命～

牙齒方面

年紀大嘅狗狗牙齒會相對冇咁堅固，狗狗會開始唔想咬骨頭又或者潔齒嘅玩具，從而令牙齒更容易出現牙結石。狗狗老左，主人要更常幫狗狗刷牙，減少佢地牙齦發炎、被口腔細菌入侵狗狗體內器官嘅機會。

關節方面

體型比較大，又或者有肥胖問題嘅狗狗係關節炎同骨頭疾病嘅高危一族。就好似我地人類咁，老人家嘅關節問題好多時都令佢地唔想郁。如果狗狗開始行動不便，唔可以再好似以前咁日日去散步，主人可以喺狗狗訓覺休息嘅時侯輕輕幫狗狗按摩佢地手手腳腳嘅肌肉，又或者幫佢地伸展四肢嘅關節。當然，如果狗狗喺行動上出現左好大問題，主人最好都係帶佢去獸醫度接受專業治療。

狗用番皂DIY

想幫狗狗買番皂幫佢洗白白，但市面上嘅沖涼液或番皂一係就太重香精，一係就冇乜用，沖完狗狗仲係有好大陣體味？唔洗怕，想狗狗乾乾淨淨得黎，又唔會俾人工香味淹沒，方法其實好簡單：DIY！^_^

 

材料

椰子油    240g

橄欖油    200g

芥花籽油        120g

米油                160g

苦楝油    80g

常溫開水        265g

氫氧化納        114g

 

1. 將氫氧化納倒入水中，不停攪拌，直至氫氧化納完全溶解水中。
2. 將氫氧化納放在一旁待涼。
3. 將椰子油、橄欖油、芥花籽油、米油和苦楝油倒進鍋中，並且攪勻。
4. 將混合油加熱至攝氏43度，其間須用溫度計測溫。
5. 當氫氧化納亦降溫至攝氏43度，將其倒進混合油中，用金屬匙加以攪勻。
6. 用打蛋器攬拌混合物，直至30分鐘溶液變稠，轉至奶白色。
7. 將混合物倒入定型模，用布包好，等24小時後脫模。
8. 脫模之後把製成品風乾一個月。

大功告成！可以用喇～

牙結石咩黎架？

我地每個星期都提住各位主人要幫狗狗做好牙齒護理，如果唔係狗狗好易有牙結石嘅問題。但原來仲有主人唔係好清楚咩係牙結石～今次就詳細同大家講解一下到底牙結石係咩東東啦！

牙結石通常出現喺狗狗牙齒嘅頸部。對口腔黎講，牙結石係一種異來物，佢會不停刺激狗狗嘅牙周組織，壓住牙齦，導致牙齦發炎，最後病菌感染，牙周支持組織被破壞，搞到狗狗甩牙。再嚴重啲嘅話，口腔病菌更會入侵狗狗身體入面嘅器官，危害狗狗嘅生命安全，真係不容忽視架！！

話雖如此，但主人唔駛怕～牙結石嘅形成速度同型態係因狗狗而異嘅。一般黎講，牙結石喺開始嘅時侯會偏軟身，出現得耐左之後就會因為慢慢鈣化而變得硬身，而且難以清除。獸醫就建議主人最好每隔一兩日就幫狗狗刷一次牙同每日餵飼潔齒骨，喺狗狗牙齒上嘅結石鈣化之前幫佢清走牙結石，如果唔係愈積愈多，好易就會形成牙周疾病架喇～！

預防狗狗耳炎須知

成日都提主人們記得幫狗狗護齒潔齒，但原來除左牙齒之外，狗狗嘅耳仔都好需要定期清潔架！如果狗狗耳仔唔乾淨，狗狗有可能會患上耳炎，到時就大件事喇>_< 主人千祈唔好以為幫狗狗清潔耳仔好麻煩，其實只需要跟住以下三大步驟做，主人就可以幫狗狗預防到耳炎架喇～

第一步

洗耳之前，主人應該先固定好狗狗嘅位置，唔好俾佢周圍郁。如果唔係洗耳果陣可能就會整親狗狗。固定好狗狗之後，將狗狗用嘅洗耳液對準狗狗耳道，擠出洗耳液。呢個時侯，狗狗會因為唔適應而郁黎郁去，主人要小心唔好俾洗耳液嘅樽頸整親狗狗。

第二步

等狗狗慢慢開始適應之後，主人就可以用手 輕輕按摩狗狗嘅耳仔底部，方便洗耳液流入內耳道，全面清潔狗狗嘅耳仔。

第三部

按摩完，用棉花輕輕抹走從狗狗耳仔流出嘅分泌物。大功告成～

記住呀～狗狗嘅耳仔應該呈健康嘅粉紅色！主人們記得要從狗狗細個開始幫佢地做好耳仔清潔～咁就唔駛怕狗狗患耳炎啦：）

狗狗應節美食－搞乜鬼南瓜批

 

嘩嘩嘩！話咁快就過完中秋，好快就到扮鬼扮馬嘅萬聖節喇～！ 雖然香港冇乜俾狗狗同主人同樂嘅萬聖節活動，但主人想同狗狗一齊感受節日氣氛都唔係完全冇方法架～點做好？快啲趁星期六日買定材料，整一個「搞乜鬼南瓜批」，同狗狗一齊開開心心食住過萬聖節啦～

材料

牛油                45g
雞蛋                2.5隻
低筋麵粉        130g
南瓜蓉    380g
水            100g
蜜糖                15g
食用裝飾        視乎個人喜好

Steps

1.將牛油熱溶，加入半隻生雞蛋，用筷子攪勻。
2.將牛油同生雞蛋嘅混合物加入低筋麵粉，搓成粉團。
3.將粉團放入批盤做批底，放入焗爐用180度焗4分鐘。
4.將蜜糖倒入南瓜蓉，慢慢加2隻雞蛋同水，並加以攪勻。
5.將南瓜蓉混合物倒入批底，再以180度焗15分鐘。
6.取出南瓜批，加上主人鐘意嘅食用裝飾，大功告成！食得喇～

肉墊保護天書

好多人都話狗狗身體上最可愛嘅就係佢地粉紅色嘅手掌腳掌～其實果個位並唔係狗狗嘅手腳掌，正確嘅叫法應該係肉墊。既然呢個部位咁可愛，主人一定要幫狗狗好好保護肉墊！點保護先岩？其實有３大方法嘅～

1.      減少喺石路散步時間
香港嘅路大部份都係用石屎堆砌而成，而石屎路往往都好吸熱。尤其夏天，太陽光猛嘅時候，我地掂到地下都會忍唔住熱到跳起！雖然狗狗肉墊厚，對溫度嘅反應比較慢，但其實狗狗嘅肉墊係會燙傷架～所以氣溫高嘅日子，主人們最好避免帶狗狗喺石屎路散步！
 

2.      散步後清潔狗狗肉墊
我地人類出街會着鞋去保持雙腳乾淨，但就唔係所有狗狗都有呢個福利喇～由於室外嘅環境比較多細菌，狗狗散完步番到屋企，肉墊會黏住啲污糟野，而呢啲污糟野有機會搞到狗狗趾間發炎、紅腫，所以主人同狗狗出街散完步記住幫佢地清潔一下肉墊，好好保護肉墊喇～

3.  小心處理肉墊傷口

肉墊皮膚雖然厚，但狗狗出街散步俾石仔“吉＂親整親嘅機會仲係非常之高！通常狗狗肉墊受左傷，主人都會睇得出嘅，因為狗狗會即刻變到只用３隻腳行路～如果狗狗整親肉墊，主人記住要每日都幫佢嘅傷口消毒，直至完全好番哂！如果發現佢嘅傷口腫脹或者含膿，又或者好耐都未好番，主人們千祈唔好拖～記住帶狗狗去睇醫生喇！